UZ

Сўнгги янгиликлар

17:43Винченцо Итальяно мавсум охирида клубдан кетади  0 17:25Альфонсо Дэвис "Бавария" билан янги шартнома имзоламайди  0 17:01"Бунёдкор" янги бош мураббий номини эълон қилди  9 16:20"Евро-2024"да ҳеч ким Англия билан тенглаша олмайди"  7 15:57"Қизилқум" "Локомотив" билан ўйин учун қайдномасини эълон қилди  0 15:44ПРО-Лига. Турнинг марказий учрашуви асосий таркиблари маълум  5 15:26Суперлига. 4-тур учрашувларини ўтказиб юборадиган футболчилар  3 15:10Маркус Рэшфорд Евро-2024га бора олмаслиги мумкин  1 14:38Парехо Винисиус ҳақида: "Ажойиб спортчи, аммо ўйинчилар ўзини футболга бағишлаши керак. Мени пиёниста дейишарди, лекин бунга эътибор бермаганман ва жавоб қайтармаганман – бундай одамлардан юқорироқ бўлиш зарур"  1 13:47Суперлига. 9та клуб дастлабки 3та турда фақат бир хил формадан фойдаланди. Бунга сабаб нима?  5 13:44"Манчестер Юнайтед" "Реал" футболчисини сотиб олмоқчи  1 13:23Хавининг дисквалификацияси бўйича апелляция рад этилди   1 12:50Ўзбекистон кубогининг саралаш босқичига қуръа ташланди  5 12:15Месси: "ЖЧ-2022да ғолиб бўлмаганимизда, мен терма жамоадан кетардим"  8 11:53Начо ва Васкес "Реал" билан шартномасини узайтиради  2

Амет Мемет: "Кучли олтиликка киришга ҳаракат қиламиз" Янгиликлар

Амет Мемет: "Кучли олтиликка киришга ҳаракат қиламиз"

“Нефтчи” иккинчи даврани омадли бошлади. Жамоа кеча ўзи учун бироз ноқулай рақиб бўлган “Шўртан”ни қабул қилди.
Учрашувда Отабек Исроиловнинг дубли фарғоналикларга уч очко келтирди. Мазкур ўйиндан сўнг, фарғоналиклар устози Амет Меметнинг фикрларини тингладик.

- Амет Абдуллаевич, аввало жамоангизнинг бугунги ғалабаси билан табриклаймиз. Учрашув ҳусусида фикрларингиз қандай?

- Бугунги ўйин жуда мураккаб кечди. Қандай бўлмасин стадионга келган мухлисларимизни хурсанд қилмасак бўлмасди. Шунинг учун натижага кўрсатишга мажбур эдик. Бунинг уддасидан чиқдик деб ўйлайман. Уч очкони қўлга киритганимиздан хурсандман. Ғалаба қозониш ҳамиша ёқимли.

Бугун жамоам ўз ўйинини тўлиқ кўрсатди дея олмайман. Давралар оралиғида таркибимизга бир қатор янги футболчиларни жалб этдик. Уларнинг олдинги ўйинчилар билан тўлиқ тушуниб кетишлари учун озгина вақт керак бўлади.

Тошкентда ташкил этилган йиғин давомида бир нечта синов-назорат баҳсларида иштирок этдик. Ана шу ўйинларда йигитлар яхши таассурот қолдиришди. Олдинда қилинадиган ишлар кўп ҳали. Ўйлайманки, вақт ўтгани сари, турдан-турга ўйинимиз янада шаклланиб боради.

Бугунги ўйинда оптимал таркибни туширишни имкони бўлмади. Албатта, бунга бир қатор ўзига хос сабаблар бор. Хусусан, Бахтиёр Ёқубов ва Ғулом Ўруновда жароҳат мавжуд. Ёқубов қанотда тезкор ҳаракатлари билан доим ижобий таассурот қолдириб келган. Ўрунов эса Пахтакорда марказий ярим ҳимояда барқарор ўйин намойиш этган. Ҳар иккаласи ҳам маҳоратли футболчилардир. Яна шуни ҳам айтиб ўтишим керакки, Ғуломни шерлардан трансферини тўлиқ сотиб олдик. Эндиликда футболчи Нефтчига тегишли.  

Умуман олганда, ҳозирги таркибимиздан қониқиш хосил қилмоқдаман. Айниқса, дарвозабонлардан кўнглим тўқ. Бугунги ўйинда дарвозамизни қўриқлаган Ғайрат Ҳасановни маҳоратли посбон деб биламан.

Чемпионатни кучли олтиликда якунлашга ҳаракат қиламиз. Учликдаги жамоалар билан ўртамиздаги очколар фарқи кўп. Лекин биз ҳар бир ўйинда очко жамғариб, имкон қадар юқори ўринни банд этишга ҳаракат қиламиз.

Исломбек Рустамбеков ёзиб олди.
Рейтинг:    

Фикрлар

championat.asia
Яндекс.Метрика