Александр Хомяков: "Ёрдамчиларим ва шогирдларимга раҳмат"

"Аввало мен шогирдларим ва ёрдамчиларимга раҳмат айтмоқчиман. ПРО лицензиясига ўқиётган вақтда йўқлигимни билинтиришмади. Бугун навбатдаги бор шундай вазиятда улар мени қўллаб туришди. Ўз жамоам ўйинидан уялмайман. Ғалаба учун курашдик, олдиндан ўйин қийин бўлишини билардик. Аммо кичик хатолар туфайли ғалаба қозона олмадик. Ўйин жанговор дуранг қайд этилди. Рақибни ўрганиб чиққандик, тўп ўтказмадик. Демак, ҳимояда яхши ўйнадик, қарши ҳужумлардан эса унумли фойдалана олмадик.

Ўз уйимиздаги ўйинларда ғалаба қозона олмаганимизга балки руҳий босим сабаб бўлгандир. Кейинги уй ўйинимизда зафар қучиб мухлисларимизга байрам ташкил этиб беришни истаймиз.

Бир ҳафта давомида жамоа билан бирга бўлмадим. Фақат бугун улар билан кўришдим, яна бир бор ёрдамчиларимга ва шогирдларимга миннатдорчилик билдираман. "Қизилқум"дан Вагапов, Шишелов ва Жўраев кучли ўйинчи эканлигини билардик, улар бугун яхши ўйнашди", - дейди Александр Хомяков.