21 jan 10:10
News

Александр Оника: “Локомотив”дан нима учун кетганимни билмайман”

Ўтган мавсумнинг иккинчи ярмини “Локомотив” сафида ўтказган Александр Оника айни дамда “Нефтчи” машғулотларида иштирок этяпти.
Куни кеча фарғоналиклар “Металлург”га қарши ўртоқлик учрашуви ўтказиб, бир тайм ҳаракат қилган Оника жарима тўпидан жуда чиройли тўп киритди (видео). Баҳс якунига етиш арафасида у билан қисқача суҳбат қурдик.

“Украинада тўп сурган пайтим биз асосан жисмоний машқлар орқали чемпионатга ҳозирлик кўрардик, - дейди молдовалик футболчи. - Бу ерда эса кўпинча тўп билан ишлаяпмиз. Мураббийлар машғулот вақтида эътиборни тўп билан ишлашга, ўйин услубини шакллантиришга қаратишяпти. Машқлар осон бўляпти дея олмайман. Ҳар ҳолда мавсумга тайёргарлик ҳар доим қийин кечади. Баъзан тренажёр залига бориб турибмиз. “Нефтчи” билан ҳали шартнома тузганим йўқ. Аммо музокалар давом этяпти. Менимча, янги мавсумни шу жамоада бошласам керак”.

“Локомотив”ни нима учун тарк этдим? Тўғрисини айтсам, охирги кунларда ҳам “Локо”да қолишимга ишонгандим. Клуб мен билан тўлиқ ҳисоб-китобни қилиб бўлди. Лекин мураббийлардан садо чиқмади. Ҳеч ким қўнғироқ ҳам қилмади. Кейин эса кетишим кераклигини тушуниб етдим. Умуман олганда, менга бу ердаги муҳит ёқяпти. Ўзбекистонда маза қилиб футбол ўйнаса бўлади. Шу боис юртингизда кўпроқ қолмоқчиман”.

Хайрулла Холиқов суҳбатлашди.   
Rating:    

Comments

< show latest news
������.�������

Press "Like"
to read CA at facebook