12 jul 13:02
News

Алекс Окслейд-Чемберлен Уилширнинг сафга қайтганидан хурсанд

Англия премьер-лигасининг янги мавсуми бошланишидан олдин Жек Уилширни сафга қайтганлиги тўғрисида Алекс Окслейд-Чемберлен ўз фикрларини айтиб ўтди.
Уилшир ўтган мавсумда жароҳатлардан кўп азият чекди, лекин пайшанбада у ҳам барча қатори жамоа билан мавсум олди тайёргарлиги учун Осиё турнесига жўнаб кетиши аниқ бўлди. Бунга эса Окслейд-Чемберлен 21 ёшли Жекни келаётган мавсумда жамоси учун муҳим роль ўйнашини билдириб ўтди.

“Жек машғулотларга қайтди ва унинг кўриниши яхши. У биз билан биргаликда Осиё турнесига боради. Ўша ерда у олдинги формасини тиклаб олиши мумкин. Бу эса “Арсенал” учун ҳам Англия терма жамоаси учун ҳам яхши”, - дейди Алекс Окслейд-Чемберлен.

“Умид қилиб қоламизки, у ўзининг формасини сақлаб қола олади, сабаби Жек бизнинг жамоамизга кўп нарса бера оладиган даражада ажойиб ўйинчи. У жамоага кучли таъсир қила олишини кўриш мумкин. Ҳар гал у жароҳат олиб сафдан чиқса, биз хар хил муаммоларга учраймиз. Агар у жароҳатланмаса унда у бизга совринли ўринларга рақобатлаша олишимизга кўпроқ имконият беради”.

“Ҳозир унга майдондан ташқарида ҳам худди майдондагидек кучли характер керак. Бундай кўп вақт ўйнамай юриш ҳақиқатдан руҳан оғир, лекин у бундай муаммоларни яхши уддаламоқда. У ростдан ҳам машғулотларда кучаймоқда, сабаби машғулотларга биринчи келади ва охирги бўлиб кетади. Ўтган мавсумда у кетма-кет яхши серияли ўйинларда қатнашганди ва мана энди яна биз билан бирга”.

fc-arsenal.ru сайтидан Жавлонбек Юсупов таржимаси
Rating:    

Comments

< show latest news
������.�������

Press "Like"
to read CA at facebook