UZ

Сўнгги янгиликлар

10:28Франсеск Фабрегас: «Урган голим 300-учрашувни нишонлаш учун ажойиб совға»0 10:05«Интер» – «Рома». Икарди ва Брозович майдонга тушишга тайёр5 09:47«Монако» ҳимоячиси икки мавсумда 11 марта пенальти тепиб 11та гол урди1 09:46Санжар Турсуновдан голли пас, жамоасида ғалаба ВИДЕО0 09:27Olamsport: Истомин венгриялик теннисчига қарши, Миша Генинг бугунги иштироки ва бошқа хабарлар0 09:26Жейми Варди: «Раньерининг кетишида мен айбдор эмасман»4 09:05Анчелотти фаолиятида учинчи бор 8 тўп фарқи билан ғалабага эришди8 08:45Франция. «Нанси» «Тулуза» билан дуранг ўйнади1 08:40ВИДЕО. "Челси" - "Суонси" 3:11 08:34«Лестер» Хиддинк билан музокара ўтказди4 08:18Испания. «Эйбар» «Малага»ни йирик ҳисобда мағлуб этди2 08:13Италия.«Ювентус» «Эмполи»ни мағлуб этди0 08:06Англия. «Уотфорд» «Вест Хэм» билан дуранг ўйнади3 07:58"Қўқон-1912": Жалил Кимсановни табриклаймиз 3 00:47Жозе Моуриньо: “Ибрагимович 40 ёшигача футбол ўйнаши мумкин”10

09 фев 10:33
Янгиликлар

“Ал Жаиш” – “Насаф” 5:1 (тўлиқ шарҳ)

Осиё чемпионлар лигаси мусобақасининг 2-саралаш босқичида Қатарда “Ал Жаиш” жамоаси меҳмони бўлган футболчилармиз бир учрашувдан иборат ўйинда йирик мағлубиятга учрашди.
Гарчи учрашув дебютидаёқ мезбонларнинг жанубий кореялик ярим ҳимоячиси Сеул Ки Ко ўнг қанотдан жарима майдончасига ёриб кириб, ҳисобни очган бўлсада кейинчалик футболчиларимизда ҳам гол киритиш учун яхши имкониятлар бўлди. Хусусан, 8-дақиқада мезбонлар ўйиндан ташқари ҳолатни юзага келтиришда хатога йўл қўйишди. Игорь Таран эса дарвозабон бирга бир вазиятда турган бўлишига қарамай ҳаводан келган тўпни боши билан дарвозага йўллашга интилди. Аммо ҳужумчимизнинг кучсиз зарбаси “Ал Жаиш” посбонига “совға” бўлди. 14-дақиқада яна жамоамизнинг тезкор ҳужумидан кейин Таран қулай вазиятга чиқарилди. Ҳужумчимизнинг бу сафарги зарбасини ҳам рақиб посбони эгаллаб олди. 27-дақиага келиб “Ал Жаиш” ярим ҳимоячиси Сеул Ки Ко чап қанотдан бошланган ҳужумни муваффақиятли якунлашга эришди. “Насаф”нинг жавоб ҳужуми чап қанотдан ташкил этилди. Жарима майдончасига узатилган тўпни мезбонлар ҳимоячиси ўз дарвозасига киритишига бир баҳя қолди. 37-дақиқага келиб ўйинда ҳисоб йириклашди. “Ал Жаиш”нинг бразилиялик машҳур легионери Нилмар қарши ҳужумларнинг бирида катта тезликда ҳимоячиларимиздан ўзиб кетди ва тўпни Элдор Суюнов қўриқлаётган дарвозага йўллади. Бўлим сўнггида Артур Геворкян томонидан амалга оширилган жарима тўпи дарвоза устунига тегиб майдонга қайтди, холос.

Иккинчи бўлимда ҳам ўйин суръати ўзгармади. “Насаф”чилар тўпни кўпроқ назорат қилган ҳолда ҳужумлар ташкил қилган бўлишса, мезбонлар тезкор қарши ҳужумлара рақибни жазолашга интилишди. 49-дақиқада жаримадан узатиб берилган тўпни “Ал Жаиш”нинг бўйдор ҳимоячиси Абдураҳмон Исса барчадан баланд сакраб, дарвозага йўналтирди – 4:0. Ҳисоб йирик кўриниш олган бўлсада, вакилларимизда гол киритиш учун бир қатор имкониятлар бўлди. Бир сафар Геворкяннинг жаримадан йўллаган зарбаси устунга теккан бўлса, яна бир вазиятда Азамат Алланиязовнинг дарвозабон билан деярли бирга бир вазиятга чиқиб бориб узоқ бурчакка йўллаган тўпини яна дарвоза устуни қайтариб қолди. Умуман шу куни омад ҳам мезбонлар томонида эди. 76-дақиқада Геворкян ўз қанотида фаоллик кўрсатиб тўпни дарвоза олдида турган Сайфиевга узатди. Фарруҳнинг кучли зарбасини тўсиб қолиш имконсиз эди – 4:1. Аммо мезбонлар 80-дақиқада Сеул Ки Ко хет-трикка эришиб, ўйинга якуний нуқтани қўйди – 5:1.
 
Фотогалерея
ОЧЛ-2014. 2-саралаш босқичи. 08.02.2014
“Ал Жаиш” – “Насаф” 5:1 (3:0)
Доҳа. Суҳайм бин Аҳмад стадиони. 5400 томошабин.
Голлар
:  Сеул Ки Ко (4, 27,80),  Нилмар (36), Абдураҳмон Исса (49) – Фарруҳ Сайфиев (76).
Огоҳлантириш: Сеул Ки Ко (18), Андерсон (50) – Байдуллаев (25), Сайфиев (74)

“Ал Жаиш”: 33. Аҳмад Софян, 2. Мурод Нажи (8. Юсуф Муфта, 15), 4. Андерсон (с), 7. Весам Ризиқ, 9. Нилмар (20. Вагнер Рибейро, 74), 10. Жирес Кембо Экоко, 14. Моҳд Мезнани, 17. СеулКи Ко, 19. Абдураҳмон Иса, 21. Али Санад, 29. Муҳаммад Мунтари (12. Мажид Муҳаммад, 62).
 
“Насаф”: 25. Элдорбек Суюнов, 4. Мақсуд Каримов, 5. Ботир Қораев, 9. Илҳом Шомуродов (10. Кежа Тўраев, 61), 17. Артур Геворкян, 19, Игорь Таран (41. Азамат Алланиязов, 46), 20. Эркин Бойдуллаев, 27. Илҳом Юнусов (29. Улуғбек Дадабоев,79), 28. Шуҳрат Муҳаммадиев, 32. Ҳамза Каримов, 34. Фаррух Сайфиев.

Ҳакамлар: Стебре Деловски, Пол Адам, Натан Макдоналд (ҳаммаси  Австралиядан), Моҳд Нафиз (Малайзия).
Ҳакамлар назоратчиси: Язбек Язбек (Ливан).
Учрашув комиссари: Талала Алсваилмин (Иордания). -

Рейтинг:    

Фикрлар

< сўнгги янгиликларни кўриш

Энг яхшилар

Испания. «Реал» «Валенсия»га ютқазди
Испания чемпионатининг 16-туридан ўрин олган қолдирилган ўйинида... 113
Европа лигаси 1/8 финалига қуръа ташланди. «Ростов» МЮ ва бошқа жуфтликлар
Бугун УЕФА штаб квартирасида Европа лигаси мусобақасининг 1/8... 57
"Пахтакор"дан 2017 йилги мавсум учун ажойиб совғалар
"Пахтакор" футбол клуби 2017 йилги мавсумда уй ўйинлари... 39
“Бунёдкор” – “Ал-Айн”: Чипталар сотувда!
Хабарингиз бор, 28 февраль куни Тошкентнинг "Бунёдкор"... 43
������.�������

Выберите страну:

Mamlakatni tanlang:

Выберите язык новостей:

Yangiliklar tilini tanlang: