Latest news

07 jan 12:00
News

Акмал Турсунбоев: “Дарвозамиздан гол ўтказмасликка ҳаракат қиламиз”

Олимпия терма жамоамизда дарвозабонлар билан Шавкат Абдухўжаев ишламоқда.
 Мураббийлар штаби турнир олдидан ўтказилаётган йиғинга бира тўла “Пахтакор”нинг уч нафар иқтидорли посбонларини таклиф этган. Яқиндагина белидаги жарохат туфайли сафдан чиққан Элдор Суюновдан сўнг, асосий эътибор Асилбек Омонов, Акмал Турсунбоев ҳамда Абдумавлон Абдужалиловга қаратилмоқда.

- Акмал, Уммондаги бўлажак турнирга қай даражада тайёрсизлар? Умуман ўтказилган машғулотлар қандай кечмоқда?  
- Осиё чемпионатига тайёргарлик жараёни юқори савияда ўтказилмоқда. Биз Тошкентдаги йиғинларда кунига икки маҳалдан машғулот ўтказдик. Эрталаб тренажёр залида жисмоний тайёргарлик устида машқлар ўтказилган бўлса, тушликдан сўнг майдонда тўп билан ишладик.

- Осиё чемпионати олдидан ўз олдингларга қандай мақсад қўймоқдасизлар?
 - Уммонда кечадиган ўйинлар осон бўлмаслиги турган гап. У ерда оддий рақиблар бўлмайди. Лекин шунга қарамай биз имкон қадар ҳар бир баҳсни ижобий натижа билан якунлашга ҳаракат қиламиз. Бунинг учун имкониятимиз юқори.

- Сиз каби олимпия терма жамоамиз йиғинига таклиф этилган посбонлар хусусида қандай фикрдасиз? Осиё чемпионатида терма жамоамиз дарвозасини қўриқлаш имкониятингизни неча фоизга баҳолайсиз?
- Чемпионатга таклиф этилган дарвозабонларнинг барчаси “Пахтакор” вакилларидир. Тўғрисини айтсам, Асилбек ва Абдумавлон билан ҳаётда дўстмиз. Қай биримиз бошланғич таркибдан жой олишимизнинг аҳамияти юқори эмас. Ватанимиз шарафини ҳимоя қилиш йўлидаги асосий вазифамиз халқаро майдонда гол ўтказмасликдир. Шуни яхши тушуниб турибмиз.

- Мураббийимиз Шавкат ака Абдухўжаев ҳам биз билан жиддий суръатда ишламоқда. У кишини олдиндан биламан. Илгари ҳам бирга ишлаганмиз. Бой тажрибага эга. Насиб қилса юртимизга ёруғ юз билан қайтамиз.

Исломбек Рустамбеков суҳбатлашди
Rating:    

Comments

< show latest news

Weekly Best

АПЛ. Марказий ўйинда кучлар тенг келди
АПЛ 21-туридан ўрин олган МЮ - "Ливерпуль" баҳси бўлиб ўтди. 133
Самвел Бабаян Ўзбекистон термасининг БААдаги йиғини учун таркибни эълон қилди
Ўзбекистон миллий терма жамоаси ЖЧ–2018 учинчи саралаш босқичи... 121
АПЛ. "Эвертон" "Манчестер Сити"ни шарманда қилди
Англия чемпионатининг навбатдаги турида "Эвертон"... 92
"Севилья" - "Реал Мадрид". Таркиблар маълум
Испания чемпионати 18-туридан ўрин олган "Севилья" -... 76
������.�������

Press "Like"
to read CA at facebook