29 aug 15:32
News

Афғон футболи тарихида илк бор Кобул шаҳрида футбол академияси очилди

Германия ва Даниянинг молиявий кўмагида бунёд этилган академиянинг бош мақсади афғонистонлик болаларнинг нафақат севимли спорт тури билан шуғулланиши, балки мамлакатда профессионал футболни ривожлантиришга ҳам қаратилган.
Мазкур футбол академиясининг очилиш маросимида ФИФА вакили ҳам иштирок этди. «Бизнинг мақсадимиз Афғонистонда ҳам футболни ривожлантиришга кўмак бериш. Бизнинг лойиҳамиз дунёнинг 22 та давлатида амалга оширилмоқда. Кобулдаги академияда 250 нафар бола маҳаллий ва хорижлик мураббийлар раҳбарлигида машғулотлар олиб боради», деган даниялик мураббий Андерс Левинсон. ФИФА вакили Али Асқарий Лалининг айтишича, шу йилнинг ўзида Кобул шаҳрида яна бешта футбол мактаби ташкил этилади. Яқин йилларда эса, Қундуз, Балх, Қандаҳор ва Ҳирот провинцияларида 12 та футбол мактаби очилиши режалаштирилган. Бу хабарлар афғон болаларининг чексиз қувончига сабаб бўлди. «Жуда бахтлимиз, энди бизни тажрибали мураббийлар шуғуллантиришади. Келажакда яхши футболчи бўлмоқчиман», деган академияга аъзо бўлган болалардан бири. Афғонистон футбол федерацияси вакилининг сўзларига кўра, яқин беш йил ичида мамлакатда футбол билан профессионал тарзда шуғулланаётганларнинг сони 20 мингдан ошиши кутилмоқда экан.
Rating:    

Comments

< show latest news
������.�������

Press "Like"
to read CA at facebook