Latest news

09:15Эшли Янгга «Эвертон», «Вест Бромвич», «Уотфорд» ва «Суонси» қизиқмоқда0 09:15Эшли Янг интересен «Эвертону», «Вест Бромвичу», «Уотфорду» и «Суонси»0 09:01ВИДЕО. "Лацио" - "Рома" 0:20 08:50“Зенит” таркибида ўзбекистонлик 18 ёшли футболчи пайдо бўлиши мумкин21 08:45Юлиан Дракслер "Вольфсбург"дан кетмоқчи0 08:45Юлиан Дракслер решил покинуть "Вольфсбург"0 08:35ВИДЕО. "Эвертон" - "Манчестер Юнайтед" 1:10 08:24"Қўқон-1912": 20 декабрь куни тайёргарлик бошланади2 08:19Франция. «Марсель» «Нанси»ни, «Ницца» «Тулуза»ни мағлуб этди0 08:19Чемпионат Франции. «Марсель» разгромил «Нанси», «Ницца» – «Тулузу» и другие результаты0 08:04ВИДЕО. "Борнмут" - "Ливерпуль" 4:30 07:52Испания. «Валенсия» «Малага» билан дуранг ўйнади1 07:52Чемпионат Испании. «Валенсия» сыграла вничью с «Малагой»0 07:47Германия. «Гамбург» «Дармштадт»ни енгди1 07:47Чемпионат Германии. «Гамбург» в гостях обыграл «Дармштадт», «Аугсбург» сыграл вничью с «Айнтрахтом»0

19 sep 09:35
News

2014 йил январь ойига қадар Ўзбекистон миллий терма жамоасига хорижлик мутахассис таклиф этилади

Ўзбекистонда барча спорт турлари қатори футболга ҳам катта эътибор қаратилмоқда.
Давлат раҳбарияти ва ҳукумат қарорлари самараси ўлароқ яратилган шароитлар натижасида халқаро майдонларда қўлга киритилаётган муваффақиятлар салмоғи ошиб бормоқда.

Хусусан, 2013 йили Туркияда бўлиб ўтган ёшлар ўртасидаги жаҳон чемпионати баҳсларида Аҳмаджон Мусаев бош мураббийлигидаги Ўзбекистон терма жамоаси сайёранинг кучли саккиз терма жамоаси қаторига кирди. Олдинда эса тажрибали мутахассис Дилшод Нуралиев қўл остидаги Ўзбекистон ўсмирлар терма жамоасини БААда 17 октябрь - 8 ноябрь кунлари ўтказиладиган ўсмирлар ўртасидаги Жаҳон чемпионати баҳслари кутиб турибди.

Маълумки, ўсмирлар ва ёшлар терма жамоаларимиз қаторида, Ўзбекистон миллий терма жамоаси ҳам мундиал финал босқичи йўлланмасини қўлга киритишга ҳар қачонгидан яқин келганди. Бироқ Миржалол Қосимов бошчилигидаги терма жамоа ЖЧ-2014 саралашининг сентябрь ойида Иордания миллий терма жамоаси билан бўлиб ўтган плей-офф баҳсларида кутилган натижага эриша олмади.

Ўзбекистон учун ЖЧ-2014 саралаш кампанияси якунига етганидан сўнг, Ўзбекистон футбол Федерацияси раҳбари Мираброр Усмонов миллий терма бош мураббийи Миржалол Қосимов билан учрашди ва саралаш якунларини атрофлича муҳокама қилди. Плей-офф босқичидаги муваффақиятсизликдан сўнг, 2012 йил июнь ойидан бери миллий термага устозлик қилиб келаётган Миржалол Қосимов ЎФФ президентидан истеъфога чиқиш учун рухсат сўради.

Ўзбекистон миллий терма жамоаси олдига 2015 йилги Осиё Кубогининг финал босқичига чиқиш вазифаси қўйилган. Мусобақа саралаш босқичи доирасидаги Вьетнам терма жамоасига қарши кечадиган ўйин (15 октябрь)га жуда оз муддат қолган. Шундан келиб чиқиб, Мираброр Усмонов истеъфо бироз кечиктирилишини, ҳозир эса кайфиятни туширмай, бўлажак масъулиятли ўйинларга жиддий хозирлик кўриш зарурлигини таъкидлади.

Ўзбекистон миллий терма жамоасининг бош мураббийи лавозимига ҳозирда Ўзбекистонда фаолият кўрсатаётган мутахассислар орасидан муносиб номзодлар кўриб чиқилмоқда. Мираброр Усмоновнинг қайд этишича, терма жамоа бошқарувига хориждан тажрибали мутахассисларни жалб этиш режаси ҳам бор. ЎФФ раҳбарининг сўзларига кўра, бош мураббийи масаласи 2014 йил январь ойига қадар ҳал этилади.



ЎФФ матбуот хизмати
Rating:    

Comments

< show latest news
������.�������

Press "Like"
to read CA at facebook