UZ

Сўнгги янгиликлар

01:46"Фулхэм" стадион трибунасида очиқ бассейн қурмоқчи  0 01:29Абдуқодир Ҳусанов "Лилль" билан ўйинни ўтказиб юборади  0 00:52Италиялик жаҳон чемпиони Қозоғистонга ташриф буюрди  0 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  7 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  6 23:37БАА футбол федерацияси ёшини сохталаштирган 18 нафар мисрлик футболчини депортация қилди  1 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  1 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  32 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  2 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  24

14 учрашувда 50 та гол урган футболчи Янгиликлар

14 учрашувда 50 та гол урган футболчи

Юртимизни истеъдодли ёшларга бой мамлакат деб бежизга айтишмайди.
Ана шундай ёшлардан бири шубҳасиз Жаҳонгир Абдусаломов саналади. Унинг келажаги порлоқ эканлигини кўрсатаётган ўйинларидан билиб олса бўлади. Ҳар бир ҳаракатида ҳужумчига хос совуққонлик ва тезкорлик мавжуд бўлган Жаҳонгир 2012 йилдан буён “Бунёдкор” футбол академияси аъзоси. Дастлабки футбол сабоғини  “Андижон”  футбол академиясида олган.  

-Нега айнан “Бунёдкор” футбол академиясини танладингиз?

- Мен 11 ёшимдан “Андижон” футбол академиясида шуғуллана бошлаганман. Илк мураббийим Виктор Николаевич қўл остида футбол дунёсига кириб келганман. “Бунёдкор” футбол академиясини танлашимнинг асосий сабаблари сифатида академиянинг янги ташкил этилганлиги, бу ердаги мураббийларнинг юксак маҳорат соҳиблари эканликлари, шуғулланиш учун барча шароитларнинг аъло даражада ташкил этилганлигини кўрсатиб ўтишим мумкин.

-“Бунёдкор” ва “Андижон” футбол мактаблари ўртасида қандай фарқлар бор экан?

- “Андижон” футбол мактабида ҳам барча шароитлар яхши эди. Мураббийларимиз биз билан ишлашда ўзига хос усуллардан фойдаланарди. Бу академияда кўп нарсаларни ўргандим. “Бунёдкор”да эса ҳаммаси ундан-да яхшироқ. Бу машғулот жараёни дейсизми, мураббийларнинг ишлаш услуби ёхуд база нуқтаи назаридан олиб қарайсизми, “Бунёдкор”да барчаси юксак даражада. Академияда фаолият юритаётган ҳар бир киши биз билан жуда яхши муносабатда; хоҳ у мураббий бўлсин, хоҳ у ошпаз, хоҳ у тиббиёт ходими…

-Бу йил бўлиб ўтган шаҳар биринчилигига тўхталиб ўтсангиз...

- Бу йилги шаҳар биринчилигида 30 жамоа 2 гуруҳга бўлинган ҳолда куч синашишди. Жамоамиз “А” гуруҳидан жой олди ва барча – 14 та ўйинни ҳам ўз фойдамизга ҳал қилиб,  иккинчи босқичга гуруҳда биринчи ўрин билан йўл олдик.

-Қайси жамоалар сизлар учун энг ноқулай рақиб саналади?

-Бу йилги биринчиликда “Локомотив” жамоаси бизга яхшигина қаршилик кўрсатишди. Бироқ асосий рақобатчи жамоалар сифатида мен “Пахтакор” ва “Спартак” жамоаларини кўрсатган бўлар эдим. Бу икки жамоа биринчиликда “Б” гуруҳидан жой олишганди. Улар ҳам кейинги босқичга чиқишди. Энди мусобақанинг иккинчи босқичида улар билан куч синашамиз.   

-Бир мавсумда максимал нечта гол урасиз?

-Тошкент биринчилигида 14 та учрашувда 50 та (!) гол урдим. Бунда албатта жамоадошларимнинг хизматлари катта бўлди.

-Ҳужумчи биринчи ўринда қандай сифатларга эга бўлиши керак?

-Биламизки, бу позиция вакили уюштирилаётган  ҳужумни якунловчи ўйинчи саналади. Бу эса ўз навбатида футболчидан тезкорлик, аниқлик ва озгина совуққонликни талаб этади. Ўйин жараёнида бу сифатларга алоҳида аҳамият беришга ҳаракат қиламан.

БИЗНИНГ МАЪЛУМОТ:
Исм-фамилияси:
ЖаҳонгирАбдусаломов
Туғилган йили: 1999-йил
Туғилган жойи: Андижон вилояти Хонобод шаҳри
Амплуаси: Ҳужумчи
Севимли жамоаси: “Барселона”
Ёқтирган футболчиси: Леонель Месси
Илк мураббийи: Виктор Николаевич Васильев


Санжар ИСМАТОВ суҳбатлашди
Рейтинг:    

Фикрлар

championat.asia
Яндекс.Метрика