Latest news

10:31Суперлига-2024: 3-тур баҳсли вазиятлари юзасидан Эксперт-ҳакамлар комиссияси хулосаси  0 10:04«Жаҳон чемпионатининг саралаш учрашувларига ёш, тажрибасиз ва янги футболчиларни жалб этиб, уларни ўйин услубига мослаштириш учун вақт йўқ, чунки бу жуда мураккаб» - Катанец ОФК расмий сайтига интервю берди  4 09:51Пике «Барселона» бош мураббийлиги учун икки номзодни айтди  0 09:23Англия терма жамоаси Евро-2024 учун либосини тақдим этди  1 09:15Рустам Мирсодиқов 70 ёшда!  1 08:52«Арсенал»нинг яна бир футболчиси термада ўйнашдан бош тортди  4 08:25Стерлинг кечирим сўради  2 07:58«Атлетико»га қарши учрашувда қизил олган Хави нечта ўйинга четлатилиши маълум  0 07:31Про лига. Бугун турнинг марказий учрашуви бўлиб ўтади  8 00:30Киммих фаолиятини "Сити", "Ливерпуль", "Арсенал", "Реал" ёки "Барса"да давом эттирмоқчи  2 23:45Гризманн 2017 йилдан бери илк марта Франция терма жамоаси ўйинларини ўтказиб юборади  5 23:10"Ливерпуль" ҳужумчиси март ойида терма жамоасига ёрдам бера олмайди  0 22:47"Ювентус" катта товон пулидан қўрқиб, Аллегри билан хайрлашмоқчи эмас  3 22:09Ўзбекистон Суперкубогида ишлайдиган ҳакамлар номи эълон қилинди  1 21:29Португалия терма жамоаси Евро-2024да фойдаланадиган либослар намойиш этилди  2

Превью. Бундеслига: Чемпионатнинг энг меҳнаткаш жамоаси пешқадамга қарши News

Превью. Бундеслига: Чемпионатнинг энг меҳнаткаш жамоаси пешқадамга қарши

Ниҳоят Германия чемпионати ишқибозлари ва шинавандалари кутган дамлар етиб келди.


Ўтган йилнинг декабр ойида танаффусга чиқиб кетган Бундеслига карвони яна йўлга тушиш арафасида турибди.


Тунда "Баденова-Штадион"да Германияда 2017 йилнинг илк ўйини ўтказилади. Унда Кристиан Штрайх шогирдлари, яъни "Фрайбург" жамоаси пешқадам "Бавария"ни қабул қилишади.
Бу учрашув бундеслиганинг биринчи даврасидан ўрин олган охирги турни очиб беради.

Тан олиш керак, "Фрайбург" ушбу мавсумда Штрайх қўл остида ажойиб  ўйин кўрсатмоқда. Жамоа ҳозиргача ўтказилган 16та ўйинда жами 23 очко тўплаб, турнир жадвалида 8-ўринни банд этиб туришибди.
"Фрайбург" ўз уйида яхши ўйин ўтказадиган жамоалар сирасига киради. "Фрайбург" еттита ғалабанинг бештасини айнан "Баденова-Штадион"да бўлиб ўтган ўйинларда қўлга киритган.

Кристиан Штрайх шогирдлари Бундеслигадаги энг меҳнаткаш жамоа бўлиб турибди. "Фрайбург" ҳар ўйинда ўртача 117,7 км масофани босиб ўтиб, ушбу кўрсаткич бўйича пешқадам бўлиб турибди. Уларнинг бугунги рақиблари "Бавария" футболчилари эса ҳар бир учрашувда ўртача 6,5 км масофани босиб ўтишади. "Бавария" бу кўрсаткич борасида 15-поғонада турибди.
"Фрайбург"нинг муваффақиятининг сири ҳам уларнинг меҳнаткашлиги ва тиришқоқлигида бўлиб турибди. Жамоа жорий мавсумни имкон қадар юқори нотада ўтказиш учун анча тер тўкмоқда. Меҳнатлар самараси сифатида уларнинг эгаллаб турган ўринларини кўрсатиш мумкин. Жамоа агарда иккинчи даврани ҳам кўтаринки руҳда ўтказа олса, унда Кристиан Штрайхнинг "Фрайбурги" еврокубоклар учун бериладиган йўлланмалардан бирини қўлга киритиши ҳам мумкин.
"Фрайбург" мухлислари айнан шу орзу билан мавсумнинг иккинчи қисмини интиқлик билан кутишмоқда. "Фрайбург" ўз тарихида икки марта УЕФА кубогида қатнишиш имкониятига эга бўлган. Кристиан Штрайх эса бу кўрсаткични жорий мавсумда яна биттага ошириш мақсадида. Фрайбург шаҳри яна еврокубоклар ҳавосини соғиниб қолган ва жамоа ишқибозлари Штрайх бошчилигидаги "қўшин"га ишонишмоқда.


"Фрайбург" жамоасининг икки нафар футболчиси Марк-Оливер Кемпф ва Георг Нидермайер анчадан буён ўз жароҳатини тузатиш билан банд. Шунингдек, жамоанинг асосий марказия ҳимоячиларидан бири Чаглар Сёюнджю ҳам жароҳати боис ушбу баҳсни ўтказиб юборишга мажбур.
Бу эса "Фрайбург" учун йўқотиш саналади.

Ўйин олди ташкил этилган матбуот анжуманида "Фрайбург" устози Кристиан Штрайх шундай деди:
- "Бавария" рақибларини менсимайдиган жамоа эмас. Агарда мюнхенликлар ўз ўйинларини тўлиқ намойиш эта олишса, унда улар бизларни бемалол мағлубиятга учратишади. Шу боисдан ҳам биз уларга ўз ўйинларини намойиш этишларига йўл қўймасликка ва уларга муаммолар яратишга ҳаракат қилмоғимиз лозим.


Қатарнинг Доҳа шаҳрида Германия чемпионатининг иккинчи қисмига тайёргарлик кўрган "Бавария" эса анча яхши кайфиятда Фрайбургга ташриф айлашмоқда.
Танаффусга Бундеслигада анчагина баланд шовқин кўтаришга муваффақ бўлган "РБ Лейпциг"ни тор-мор этиб, турнир жадвалининг якка пешқадами сифатида чиқиб кетган Анчелотти шогирдлари учун биринчи давранинг сўнгги беллашуви осон ўтмаслиги аниқ.
Қишки чемпион янги йилдаги ўзининг илк расмий баҳсини чемпионатнинг энг меҳнаткаш жамоасига қарши ўтказади. "Бавария" бу ўйинда сўзсиз фаворит. Буни инкор этиб бўлмайди. Мюнхенликлар исталган тўқнашувнинг асосий фаворити сифатида қаралиши бу янгилик эмас. Фақатгина Анчелотти шогирдлари Фрайбург сафаридан идеал ўйин орқали 3 очкони "чўнтак"ка солиб қайтишлари мумкин. Акс ҳолда қишки чемпионга мезбонлар кутилмаган бош оғриқ ва муаммоларни тақдим этишлари ҳеч гап эмас. 

Карло Анчелоттининг "Бавария"си қишки ўқув-машғулот йиғини чоғида янада жипслашиб, янада шаклланишга эришди. Мавсумнинг илк қисмига қараганда ҳозирги "Бавария" янада кучайган. Анчелоттининг режалари бўйича, "Бавария" мавсумнинг ҳал қилувчи қисмига қадар мунтазам равишда керакли миқдорда кучайиб, жамоанинг ўйини сайқаллашиб бориши лозим. Анчелотти айнан шу нарсага алоҳида эътибор қаратадиган мутахассислар сирасига киради. Куз ва қишнинг илк ойларидаги "Бавария" ҳали ўзининг максимум кучини намойиш этгани ва сарфлагани йўқ. Асосий куч режа бўйича баҳор ойига келиб ишга тушмоғи лозим. Унга қадар эса жамоа яна аста-секин ўзининг оптимал формасига кириб бориши даркор.


"Бавария" таркибида ушбу учрашув олдидан иккита йўқотиш мавжуд. Жером Боатенг ва Тьяго Алькантара жароҳатлари сабаб "Фрайбург"га қарши беллашувни ўтказиб юборади.
Артуро Видаль ва Кингсли Коман эса сафга қайтган ва ўйинга тайёр.

"Бавария" бош мураббийи Карло Анчелотти учрашув олдидан ташкил этилган матбуот анжуманида ўз фикрларини билдириб ўтди:
- "Фрайбург" жуда яхши жамоа. Мен жамоамнинг тайёргарлик босқичидан мамнун бўлдим. Биз жуда яхши ва керакли даражада машғулотларда ишладик ва ўзимиз хоҳлагандек тайёргарлик кўрдик. "Бавария" ҳам жисмонан, ҳам руҳан яхши ҳолатда. "Бавария" Фрабургдаги ўйинга тўлиқ шай. Бу баҳсда яхши натижага эришишимизга ишоняпман.


Ўзаро ўйинлардаги факт:
Бу жамоалар жами 32 маротаба ўзаро дуч келишган. "Фрайбург" жамоаси ўтказилган 4 ўйинда ғалаба нашидасини суришга муваффақ бўлган. "Бавария" эса 22 бор ғалабага эришган. Қолган 6та учрашувда эса ғолиб номи аниқланмаган. Тўплар нисбати: 26-67, "Бавария" фойдасига.


Бундеслига, 17-тур. Турнир жадвали

"Фрайбург" - "Бавария" (00:30)

"Баденова-Штадион" стадиони.

Бош ҳакам
: Мануэль Грефе

Ёрдамчи ҳакамлар
: Гвидо Клефе, Маркус Зинн

Захира ҳаками
: Бенедикт Кемпкес

Трансляция
: (Сетанта Спорт + - Aleziya.com (TAS-IX), "Матч Тв" канали.


* Германия чемпионатининг 17-туридан ўрин олган қолган ўйинлар шанба ва якшанба кунлари ўтказилади.

Rating: -2   

Comments

championat.asia
Яндекс.Метрика