"Гуруҳдан меҳнатимиз билан чиққанмиз. "Ал Шабаб"да йўқ нарса "Насаф"да бор" — Марко Станоевич яна нималар деди? Қачон сафга қайтади?

"Аждарлар" мазкур учрашувга жиддий тайёргарлик кўрмоқда. Лекин таркибда айрим йўқотишлар ҳам йўқ эмас. Ноябрь ойи охирларида жарроҳлик амалиётини ўтказган Марко Станоевич бўлажак расмий ўйинда майдонга тушмаслиги эҳтимоли юқори. 

Al Shabab Husain Al Monassar - 12', Ever Banega - 54'

AFC Champions League Final Stage . Round 1/8 19/02/2023, 22:00 0 : 2 Finished

Nasaf Qarshi

45'

90'

7'  Hassan Tambakti

12'  Husain Al Monassar

12'  Ever Banega

54'  Ever Banega

54'  Husain Al Monassar

70'  Hattan Sultan Bahbri (Fahad Al-Muwallad)

83'  Cristian Guanca (Turki Al-Ammar)

89'  Riyadh Sharahili (Majed Omar Kanabah)

90'  Nader Abdullah Al Sharari (Saeed Al-Rubaie)

65'  Sherzod Nasrulloev (Muhammadjon Rahimov)

65'  Golib Gaybullaev (Shukhrat Mukhammadiev)

79'  Javokhir Sidikov (Nodirbek Mukarov)

79'  Jurabek Mannonov (Shakhzod Akromov)

79'  Oybek Bozorov (Sukhrob Nurulloev)

Open in Match Center

- Марко айни пайтда ҳолатингиз қандай? "Ал Шабаб" билан ўйингача тикланишга улгурасизми?

- Ноябрь ойи охирларида "Динамо" билан ўйинда олган жароҳатимни даволатиш мақсадида жарроҳлик амалиётига қўл урдик. Тикланиш режа бўйича давом этмоқда. Мазкур жараён якунлангач жамоа ихтиёрига қайтаман. Менимча, "Ал Шабаб" билан ўйинга улгурмайман. 

- Тахминан қачон сафга қайтишингиз мумкин? Қанча вақт керак бўлади?

- Ҳозир бирор аниқ гап айта олмайман. 

- "Насаф"дагилар билан алоқада бўлиб турибсизми?

- Бош мураббий, футболчилар билан доимий равишда алоқадаман. Албатта об-ҳаво ҳам тайёргарликка таъсирини ўтказяпти. Лекин бу таъсир қилмайди, деб ўйлайман. Олдинда Туркия йиғини ҳам бор. 

- Бошқа жамоаларда жиддий ва кўзга кўринарли трансферлар амалга ошяпти. "Насаф"да катта ўзгариш кўрмаяпмиз. Бу ОЧЛ ва чемпионлик учун ҳавотирларни оширмайдими?

- Яхши томони шуки, "Насаф" ўз тарбияланувчиларига ишонади. Ўзини кўрсатиши учун имконият беради. Бошқа жамоалар қизиқтирмайди. Мен фақат "Насаф"ни ўйлайман. 

- ОЧЛдаги рақиб жиддий. "Ал Шабаб" ўша паллада зўр спорт формасида бўлади, табиийки бизда ҳали чемпионат бошланмаган. Бунда устунлик саудияликлар томонига ўтиб кетмайдими?

- Албатта, рақиб оддий жамоа эмас. Уларда бор нарса бизда йўқ, бизда бор нарса уларда йўқ. Жамоамизда ёшлик шижоати катта устунлик беришига ишонаман. Гуруҳдан тасодифан чиқмаганимизни исботлашимиз керак. Меҳнатимиз билан кейинги босқичга йўл олдик. Ўз имкониятларимиздан фойдаланишимизга ҳеч ким тўсқинлик қилмайди.