Latest news

01:46"Фулхэм" стадион трибунасида очиқ бассейн қурмоқчи  0 01:29Абдуқодир Ҳусанов "Лилль" билан ўйинни ўтказиб юборади  0 00:52Италиялик жаҳон чемпиони Қозоғистонга ташриф буюрди  0 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  4 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  4 23:37БАА футбол федерацияси ёшини сохталаштирган 18 нафар мисрлик футболчини депортация қилди  1 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  0 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  26 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  2 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  24

Футболда содир бўлган 10 та устоз-шогирд можароси (2-қисм) News

Футболда содир бўлган 10 та устоз-шогирд можароси (2-қисм)

Футбол тарихида жуда кўп маротаба футболчи мураббийининг кўрсатмаларига амал қилмаган ва улар ўртасида жиддий можаро келиб чиққан.

Футболда содир бўлган 10 та устоз-шогирд можароси (1-қисм)

Устоз ва шогирд ўртасида содир бўлган энг шов-шувли можароларни эсга оламиз:

Фергюсон - Рой Кин


2005 йил. "Манчестер Юнайтед" футболчиси Рой Кин "Мидлсбро"дан учралган мағлубиятдан сўнг, клуб канали "MUTV"га интервью беради. Унда Кин барча жамоадошларини кескин танқид қилади. Бир кун ўтиб ушбу видео сэр Алекс Фергюсонга кўрсатилади. Фергюсон эса машғулотларга келиб Ройга "Жамоадошларинг ҳақида бундай демаслигинг керак эди, бу видеони эфирга бермаймиз" дейди. Рой Кин эса бу қарорни футболчилар ўртасида овозга қўйиш кераклигини айтади. Кийиниш хонасида видео ҳаммага кўрсатилди. Ван дер Сар буни кўрсатмаслик кераклигини айтганида Рой дарвозабонга ташланди. "Сен "Манчестер Юнайтед" ҳақида нимани ҳам билардинг". Ван Нистерлой ҳам посбонни ҳимоя қилиб, бу видеони клуб каналига бериш керак эмаслигини айтади ва хонадан баъзи футболчилар чиқиб кетади. Сэр Алекс Фергюсон бу муаммолардан қутилишнинг ягона йўли Кин билан хайрлашиш эканлигини тушунади ва тез орада Рой "Селтик"ка ўтади.


Фергюсон - ван Нистелрой


2005 йилда Руд ван Нистелрой "Манчестер Юнайтед"ни тарк этмоқчи бўлади. У Руни ва Роналду каби ёшлар билан чемпионликка эришиб бўлмаслигини айтиб, "Реал"га ўтмоқчилигини билдиради. Фергюсон у билан учрашганда, форвардга қуйидаги сўзлар билан мурожаат қилади: "Улар ажойиб футболчи. Сен уларга ёрдам беришинг керак. Жамоа қураётганда мағлубиятларга чидаш ва иродали бўлиш керак".

Фергюсон Англия Кубоги ярим финалидан сўнг ван Нистелройга ўйнаш учун имкон беришини айтди. Мураббий финалда ғалаба нималигини ҳис қилиши учун янги харидлар - Эвра ва Видичларни майдонга туширади ва МЮда футболчи алмаштириш имкони қолмайди. Голландиялик футболчи узоқдан мутахассисга қараб сўкинади. Бу воқеадан бир неча ой ўтиб ван Нистелрой бошқа жамоага ўтади.


Марадона - Агуэро


Марадона ва Агуэро кўпчиликка қайнота ва куёв сифатида таниш. Серхио Диего Марадонанинг қизи Жанин билан турмуш қурган. 2013 йилда бу жуфтлик ажрашганидан сўнг, Марадона "ўғли"ни "аҳмоқ" дея ҳақорат қилади. Аммо собиқ куёв афсонавий футболчининг сўзларига жавоб қайтармайди.


Ван Гал - ван Перси


Луи ван Гал "Манчестер Юнайтед" устозига айланганидан сўнг, ўз ҳамюрти Робин ван Персининг ўйинларидан қониқмайди. Ван Перси "Халл Сити" дарвозасига гол урганидан сўнг, ван Гал бунга қуйидагича изоҳ беради: "Мен унинг сўнгги баҳслардаги ўйинидан мамнун эмасман. Бугун у кадрлар етишмаслиги туфайли асосий таркибда майдонга тушди". Тез орада ҳужумчи жамоани тарк этади. Футболчи "Фенербахчи" футболчисига айланади.


Манчини - Балотелли


"Манчестер Сити"нинг 2013 йилдаги илк машғулоти катта можаро билан якунланади. Ўша машғулотда 22 ёшли Балотелли ёш ярим ҳимоячи Скотт Синклерга қарши қўпол  ўйнайди. Манчини эса Мариога машғулотни тарк этишни буюради, аммо италиялик қаршилик кўрсатди. Мураббий эса футболчини куч билан ҳайдашга уринади. Балотелли уни ёқасидан олади. Манчини ёрдамчилари муштлашувни олдини олиб, уларни ажратишади. Айнан шу йил Марио "Милан"га ўтиб кетади.

Футболда содир бўлган 10 та устоз-шогирд можароси (1-қисм)

Rating: +16   

Comments

championat.asia
Яндекс.Метрика