Latest news

13:22"Ал Ахли" Аргентина термаси ярим ҳимоячисини сотиб олмоқчи  0 13:00Ориф Маматказин, "Обод" собиқ устози, "Нефтчи" афсонаси — U-19 чемпионатида ишлайдиган мураббийлари билан танишамиз (1-қисм)  1 12:49Санчо "Боруссия"да қолишни истайди  1 12:19Жароҳат олган бўлсада, Кейн терма жамоа лагерига йўл олди   2 11:42АПЛнинг икки вакили Австралияда майдонга тушади  0 11:04Роналду Швеция билан ўйин учун Португалия терма жамоасининг қайдномасига киритилмади  5 10:31Суперлига-2024: 3-тур баҳсли вазиятлари юзасидан Эксперт-ҳакамлар комиссияси хулосаси  6 10:04«Жаҳон чемпионатининг саралаш учрашувларига ёш, тажрибасиз ва янги футболчиларни жалб этиб, уларни ўйин услубига мослаштириш учун вақт йўқ, чунки бу жуда мураккаб» - Катанец ОФК расмий сайтига интервю берди  19 09:51Пике «Барселона» бош мураббийлиги учун икки номзодни айтди  3 09:23Англия терма жамоаси Евро-2024 учун либосини тақдим этди  3 09:15Рустам Мирсодиқов 70 ёшда!  3 08:52«Арсенал»нинг яна бир футболчиси термада ўйнашдан бош тортди  5 08:25Стерлинг кечирим сўради  3 07:58«Атлетико»га қарши учрашувда қизил олган Хави нечта ўйинга четлатилиши маълум  0 07:31Про лига. Бугун турнинг марказий учрашуви бўлиб ўтади  10

ЕЧЛ. Португалияда "жанг" бўлади, Голландияда эса Европа лигаси учун "чипта" ёхуд юзерларимиз учун "ДИЗАЙН"га чипта... News

ЕЧЛ. Португалияда "жанг" бўлади, Голландияда эса Европа лигаси учун "чипта" ёхуд юзерларимиз учун "ДИЗАЙН"га чипта...

Бугун Европа чемпионлар лигасининг тўртта гуруҳида охирги тур ўйинлари ўтказилади.


Яъни "A" гуруҳида "Базель" жамоаси "Арсенал"ни қабул қилади ва иккинчи тўқнашув Парижда маҳаллий ПСЖ ҳамда "Лудогорец" ўртасида кечади.
Бу гуруҳда кейинги босқичга чиққан жамоалар номи аллақачон маълум бўлганди. Фақатгина гуруҳ пешқадами ким бўлади, деган савол очиқлигича қолмоқда. Шунингдек, гуруҳдан қайси жамоа Европа лигасига йўлланмани қўлга киритиши борасидаги интрига ҳам ҳали мавжуд.
Қизиғи, "Лудогорец"да ҳам, "Базель"да ҳам бир хил равишда 2 очкодан мавжуд. Демак бу гуруҳдаги ҳар иккала баҳс ҳам ўз қизиқарлилигини йўқотгани йўқ. Жамоалар ҳали ўз мақсадлари йўлида тер тўкишларига тўғри келади.


"B" гуруҳида ҳам бугун 6-тур ўйинлари бўлиб ўтади. Ушбу "квартет"дан ҳали ҳеч бир жамоа кейинги босқич масаласини ҳал этганича йўқ. Фақатгина "Динамо Киев" Европа лигасига йўлланма берувчи 3-ўринни қўлга киритиш имкониятидан ҳам махрум бўлган. Қолган учала жамоа "Наполи", "Бенфика" ва "Бешиктош" ўртасида эса қизғин кураш бугун ўзининг ҳал қилувчи палласида.
Бу уч жамоадан исталган жамоа плей-оффсиз қолиши ҳам мумкин, ёки аксинча.
Асосий кураш эса Португалияда бўлиб ўтади. Бу ерда "Бенфика" ҳамда "Наполи" жамоалари нимчорак финал учун "жанг" қилишади. Айнан шу баҳсда ғалаба қозонган жамоа гуруҳда пешқадамликни қўлга киритади. Украинада эса катта эҳтимол билан "Бешиктош" ўзи учун керакли натижани қайд этиши кутилмоқда.

Учинчи гуруҳ, яъни "C" гуруҳида барча масала ойдинлашган. Биринчи ўрин "Барселона"га, иккинчи йўлланма билан "Манчестер Сити" плей-офф масаласини ўтган турда ҳал этганди. Мёнхенгладбахнинг "Боруссия"си ҳисобида эса 5 очко мавжуд ва улар 3-поғонада. Гуруҳ аутсайдери эса Шотландиянинг "Селтик" жамоаси. Улар бешта ўйиндан атига иккитасида рақиблари билан муроса кўчасини танлашган ва икки очкога эга.
Бугун Каталонияда меҳмон бўладиган "Боруссия" "Барселона"га қаршилик қилишга уриниб кўради. Манчестерда эса "Сити" "Селтик"дан биринчи давра учун аламини олишга ҳозирланмоқда.

"D" гуруҳида ҳозирча битта масала очиқлигича қолмоқда. Яъни Европа лигаси учун бериладиган йўлланмага ким эгалик қилади? ПСВми ёки "Ростов"ми? Айнан шу саволга Голландияда бўлиб ўтадиган ПСВ - "Ростов" ўйини орқали жавоб оламиз. Эйндховенда чинакамига кураш ва ажойиб тактик футбол гувоҳига айланамиз. Филипп Кокунинг ўйлаб қўйган режалари устун келадими ёки Қурбон Бердиевнинг тактик ҳийлалари кучлилик қиладими? Бу жамоаларнинг Россияда ўтган учрашувида ғолиб номи аниқланмай қолганди. ПСВ ҳисобида эса ҳозирча 1 очко бор. Коку шогирдлари "Атлетико" ва "Бавария"га қарши кечган беллашувларда имкониятни бой беришди. "Ростов" эса ушбу учрашувларнинг бирида "Бавария"ни сенсацион тарзда мағлуб этди. ПСВ гарчи ўз уйида ўйнайдиган бўлсада, бугун уларга осон бўлмаслигини барча сезиб турибди. ПСВни фақат ғалаба, "Ростов"ни эса мағлубиятдан бошқа ҳар қандай натижа қаноатлантиради.

Гуруҳдаги иккинчи баҳс Мюнхенда кечади. "Бавария" биринчи ўрин учун курашни ўтган турда бой берди. Аммо Карло Анчелотти шогирдлари ўтган йилги ва бу йилги натижалар учун "Атлетико"дан аламларини олишга бўлган иштиёқлари анча кучли. Мюнхендаги ўйин натижа жиҳатдан ҳеч нарсани ҳал этмайди. Бу ўйин шуниси билан ҳам янада қизиқарлироқ ва томошабоп ўтса ажаб эмас. "Бавария" ҳам, "Атлетико" ҳам ўз мухлислари учун чиройли футбол намойиш этишлари табиий. Бу баҳсда нисбатан "Бавария"га ғалаба қиймати муҳимроқ.


Азиз ўқувчилар, бугун бўладиган ўйинларда Сизнингча қайси жамоалар ғалаба қозонади? Тахминларингиз ва ўз фикрларингиз билан бемалол бўлишишингиз мумкин. Фақат одоб доирасида ва ҳақоратларсиз фикр қолдиришингизни сўраймиз.

Бугунги ўйинларда гол урадиган бешта футболчини номини тўғри топган биринчи юзерга "ДИЗАЙН" жамоасининг концертига чипта тақдим этилади.

Шарти шуки, сиз фақатгина бир маротаба бешта футболчини номини ёзишингиз мумкин ва уларнинг барчаси бугунги учрашувларда гол уришлари керак бўлади.


Гол урадиган футболчилар номини ёзаётганда фақатгина битта вариант, яъни биринчиси қабул қилинади.

Rating: +24   

Comments

championat.asia
Яндекс.Метрика