Latest news

13:22"Ал Ахли" Аргентина термаси ярим ҳимоячисини сотиб олмоқчи  0 13:00Ориф Маматказин, "Обод" собиқ устози, "Нефтчи" афсонаси — U-19 чемпионатида ишлайдиган мураббийлари билан танишамиз (1-қисм)  1 12:49Санчо "Боруссия"да қолишни истайди  1 12:19Жароҳат олган бўлсада, Кейн терма жамоа лагерига йўл олди   2 11:42АПЛнинг икки вакили Австралияда майдонга тушади  0 11:04Роналду Швеция билан ўйин учун Португалия терма жамоасининг қайдномасига киритилмади  5 10:31Суперлига-2024: 3-тур баҳсли вазиятлари юзасидан Эксперт-ҳакамлар комиссияси хулосаси  5 10:04«Жаҳон чемпионатининг саралаш учрашувларига ёш, тажрибасиз ва янги футболчиларни жалб этиб, уларни ўйин услубига мослаштириш учун вақт йўқ, чунки бу жуда мураккаб» - Катанец ОФК расмий сайтига интервю берди  19 09:51Пике «Барселона» бош мураббийлиги учун икки номзодни айтди  2 09:23Англия терма жамоаси Евро-2024 учун либосини тақдим этди  3 09:15Рустам Мирсодиқов 70 ёшда!  3 08:52«Арсенал»нинг яна бир футболчиси термада ўйнашдан бош тортди  5 08:25Стерлинг кечирим сўради  3 07:58«Атлетико»га қарши учрашувда қизил олган Хави нечта ўйинга четлатилиши маълум  0 07:31Про лига. Бугун турнинг марказий учрашуви бўлиб ўтади  10

“Арсенал” абонементини 12 йил кутишади! “канонирлар” қай тариқа пул ишлаб топади? News

“Арсенал” абонементини 12 йил кутишади! “канонирлар” қай тариқа пул ишлаб топади?

Tags :  Арсенал
Лондоннинг “Арсенал” клуби ривожланиш ва ҳамкорлик бўлими бошлиғи Адриан Перацини Москвада “Спорт турларида менежмент” факультети талабалари билан бўлиб ўтган учрашувда клубнинг қай тариқа пул ишлаб топиши тўғрисида маълумотлар берди.

Спортда иш ва бизнесни жуда яхши йўлга қўйган жамоалар ҳақида эшитганда одатда кўпчиликни ҳавас қамраб олади. Лондонликларнинг фаолияти хусусида ҳам шундай дейиш мумкин. Бундай даражага эришиш анча-мунча клубга насиб этмаган. Перацини “Арсенал”да ярим йилдан бери хизмат қилиб келмоқда. 13 йил аввал у фаолиятини Италияда “Аталанта” клуби маркетинг менежери сифатида бошлаган. Ўшанда клуб ҳуқуқларининг ҳимоя қилиниши бўйича ўзига хос инқилобни бошлаб берган. Сўнг шу иш билан “Лацио”да шуғулланган. “Арсенал”га келишдан аввал бир неча йил МБАнинг Лондондаги идорасида юқори лавозимда фаолият кўрсатган. Яна бир йил спорт маркетингида энг катта компания ҳисобланган “IMG”да вице-президент лавозимида ишлади.

МУХЛИСЛАР БИЛАН ИШЛАШ
– Россияга йўл олаётган чоғимда “Арсенал”нинг бу мамлакатдаги машҳурлик даражасини ўргандим. Тўғриси, ишонишим қийин, бу ерда “Манчестер Юнайтед” ва “Челси” ишқибозлари кўпрос саналади. Лекин айнан “Арсенал” иштирокидаги учрашувлар ўтган мавсум Россияда энг кўп телеаудиторияни йиққан.
“Арсенал” – жаҳон бренди. “Фейсбук”да 37 миллион, “Твиттер”да 8 миллион обуначига эгамиз. Клуб сайтига ҳар ой 4 миллион ўқувчи ташриф буюради. Бу катта имкониятдан фойдаланиш керак. Ҳар куни.


Шу йўналишда биз ҳаракатларни ишга соламиз. Ижтимоий тармоқларда махсус акциялар ўтказамиз, шу жумладан ҳамкор компаниялар билан. Халқаро турлар, клуб афсоналари билан тадбирлар ташкил этамиз. Масалан, Робер Пирес мураббийлар штабига киришдан олдин Ҳиндистоннинг “Гоа” клубида ўйнади. Уни мамлакатда билишади ва яқинда у билан Мумбайдаги акцияда қатнашди. Бу жуда омадли чиқди. “Puma” билан ҳамкорликда ҳиндистонлик мухлислар билан биринчи учрашувни ташкил қилдик. “Тоттенхэм” билан дербини катта экранда намойиш этдик. Одамлар ҳеч қачон Лондонда бўлишмаган, баъзилари умуман келишмайди. Шунга қарамай, улар “Арсенал”нинг содиқ мухлислари саналади. Бу ажойиб. Африкада клуб брендини Нванкво Кану ундан кам бўлмаган тарзда тарғиб қилмоқда. Келаси йил июлда Австралияда учрашув ўтказамиз. Унга барча чипталар сотиб бўлинган.

Клубнинг мухлислар армияси катта. Бир ярим миллион мухлис “Арсенал”нинг “рақамли ишқибозлар клуби”га аъзо бўлган. Улар эксклюзив контентга аъзо саналади. 250 минг инсон эса расмий мухлислар клуби аъзоси ҳисобланади. Улардан энг бахтли ва омадлилари эса мавсумий абонементлари эгаси саналади. Бу аъзоликнинг “олтин” даражаси бўлиб, 37 минг ишқибоз унга эга. “Кумуш” даража эса ўйинга чипталарни пастки сектордан сотиб олиш имконини беради. 124 минг мухлис “қизил” даража соҳиби. Улар юқори сектордан чипта олишлари мумкин. 36 минг ишқибоз 16 ёшгача бўлган болалардан иборат.
Стадионда барча хоҳловчиларга жой етмаслиги тушунарли. “Эмирейтс” 60 минг ишқибозга мўлжалланган. Абонемент сотиб олиш учун навбатда 20 мингдан ортиқ мухлис бор. Навбат ўртача 12 йилда келади.


ЎЙИН КУНГИ ТУШУМЛАР
– Стадион бизнинг асосий бойлигимиз саналади. Жамоани “Хайбери”дан кўчиб ўтиш ҳақидаги қарори мухлислар ва менежмент учун осонликча кечмаган. Бироқ бу клубнинг ривожланишида жуда муҳим эди. Янги арена туфайли “Арсенал” юқори савияда барқарор ушланиб турибди. Майдон ва бизнесда олдига қўйилган аниқ режадан пастга бирор марта тушиб кетмаяпти.

Аренани яхшилаш устида ҳамиша иш олиб борамиз. “Эмирейтс” Англияда энг яхши ва жаҳонда энг яхшиларидан бири бўлиб қолиши лозим. Шу сабабли ҳар йили уни юқори савияда ушлаб туриш учун клуб 2-3,5 миллион фунт миқдорида харажат қилади.

Бундан эса фойда олади. 2014/15 йилги мавсумдаги кўрсаткичлар бўйича “Арсенал” ўйин кунги тушумлар борасида Европанинг исталган клубидан кўпроқ ишлаб топган. 132 миллион евро. “Реал” 130, “Барса” 117 ва “МЮ” 114 миллион даромад қилган.

“Хайбери”даги давр билан солиштирганда ўсиш яққол кўзга ташланади. Янги стадионга кўчиб ўтилган дастлабки мавсумдаёқ бу миқдор 44 миллиондан 91 миллионга кўтарилган.

Бу жиҳат бўйича бугун максимум натижага эришиб бўлдик. Кўпроқ сосиска ва атрибутларни сотиш қийин. Телеҳуқуқлар сотуви борасида ҳам шундай дейиш мумкин. Бунда клубга кўп нарса боғлиқ эмас. Спорт натижаларини ҳисобга олмаганда, албатта. Премьер-лиганинг машҳурлиги шу даражада ошяптики, ўн йил олдин трансляция учун 44 миллион фунт олган клублар ўтган йили 125 миллионга эга чиқишди.


Даромаларга биз реклама ва ҳомийлар билан ҳамкорликдан қўшимча пул қўша оламиз. Ҳамкорларими жуда кўп: “Puma”, “Ситроен”, “Еuropcar”, “Индезит” ва бошқалар. Рекламадан пул топиш борасида клубнинг даромади охирги 10 йилда икки бараварга ошди. 2014/15 йилги мавсумда бу миқдор 104 миллионни ташкил қилди.

Асосий ўринда “Эмирейтс” билан шартнома туради. Бу ҳамкорлик 12 йилдан бери давом этиб келяпти. Ўшанда стадион номланиши борасида танлов эълон қилгандик. Компания логотипи футболкаларда камида 2019 йилгача қолади. Стадион номланиши эса 2028 йилгача амалда бўлади. Бу давр ичида ҳамкорлик шунчаки ҳомийлик деб аташдан юқори даражага чиқиб улгурди.

Стадионимизда компаниянинг шахсий ўта қулай ложалари ҳам мавжуд. Бундан ташқари, компаниянинг вип-меҳмонлари Арсен Венгер билан ҳар йили кечки таом тановул қилиб, суҳбатлашишади. Ўйинчилар БААдаги турли тадбирларга ташриф буюришади. 2009 йилдан бери Дубайда “Арсенал” футбол мактаби ишламоқда.
Дарвоқе, компания жаҳон бўйлаб 200га яқин спорт клублари билан ҳамкорлик қилади. Дубайда бундай катта ҳажмдаги ишни қандай бажаришларини жуда қийин тушунаман.

“ТОТТЕНХЭМ” БИЗНИКИДАН КАТТАРОҚ СТАДИОН ҚУРМОҚЧИ
– Абонементлар учун шунча катта навбат бор экан, нега клуб 60 минглик стадион қурган?

– “Арсенал” 80 минглик стадион қуришни истамаган деб ўйлайсизми? Ҳамма гап шаҳар ҳокимиятида. “Эмирейтс” аҳоли истиқомат қиладиган ҳудудда жойлашган, арена атрофида оддий уйлар бор. Шу сабабли қурилишга рухсат берилганда шундай шарт киритилган: стадион 60 мингдан ортиқ сиғимга эга бўлмайди. Ҳозир бундай муаммога “Тоттенхэм” дуч келган. Улар янги стадионни эскиси ёнида қуришмоқда. У “Эмирейтс”дан 500 мухлисни кўпроқ сиғдиради. Биздан ҳеч бўлмаса бирор нарсада ўзиб кетиш учун (кулади).

– Ўйин йўқ пайтларда стадион нималардан даромад қилади?
– Бу борада ишларимиз жойида. Лондондаги меҳмонлар учун “Эмирейтс” бўйлаб саёҳат худди Букингем саройи ёки Лондон аттракциони каби машҳур ҳисобланади.

– Сиз ўзингиз “Арсенал” ишқибозимисиз?
– Йўқ. Тушунишимча, Россияда бунга катта эътибор беришади. Англияда эса бундай эмас. Бизда “МЮ”, “Челси” ва ҳатто “Тоттенхэм” ишқибозлари ишлашади. Бу ҳеч кимни безовта қилмайди, чунки улар ўз ишида профессионал.


– Россиялик мухлислар Андрей Аршавин клуб учун маркетинг борасида қанчалик муваффақиятли бўлганига қизиқишади.
– Ўша пайтда клубда ишламасдим. Лекин Арсен Венгер футболчиларни нафақат ўйин сифати, балки инсонийлик тарафлама ҳам танлаганини тушуниб етдим. Аршавин клубга фаолиятининг чўққисида келди ва “Арсенал”га катта фойда келтирди.

– “Арсенал” акцияларининг катта қисми Алишер Усмоновга тегишли. У клуб сиёсатига қандай таъсир кўрсатади?
– Клуб билан боғлиқ фаолиятни ижрочи директор Иван Газидис амалга оширади. Унда катта тажриба бор ва хўжайинлар унга ишонади.

– Сиз бой тажрибангиз билан Россиянинг янги даражага чиқишига ёрдам берган бўлардингиз. Мамлакатимиздан яхши таклифга қўшилган бўлармидингиз? Қолаверса, бу ерда ўзимизнинг “Арсенал” ҳам бор.
– Эшитганман. У чой қайнатиш учун ажойиб нарса тайёрлайдиган шаҳар жамоаси, шундайми? Ким билади, қачондир Россияда ишларман. Бироқ ҳозир Лондоннинг “Арсенал” клуби ажойиб ташкилот экани ва ундан ҳеч ким кетишни хоҳламаслигини таъкидлашни хоҳлардим.


Беҳзод Назаров тайёрлади

Rating: +5   

Comments

championat.asia
Яндекс.Метрика